சென்னை க்ரீம்ஸ்சாலையில் உள்ள அப்பல்லோ மருத்துவமனையில் சிகிச்சை பெற்று வரும் திமுக பொதுச் செயலாளர் அன்பழகனின் உடல்நிலை குறித்து கேட்டறிய ஸ்டாலின், துரைமுருகன் உள்ளிட்டோர் இன்று (6.3.2020) காலை மருத்துவமனைக்கு வருகை தந்தனர்.

மருத்துவமனையில் அன்பழகனை நேரில் சந்தித்து, அவருக்கு அளிக்கப்பட்டு வரும் சிகிச்சைகள் குறித்து மருத்துவர்களிடமும் நேரடியாகக் கேட்டறிந்தனர். சுமார் அரை மணி நேரத்துக்குப் பிறகு, அனைவரும் மருத்துவமனையில் இருந்து கிளம்பிச் சென்றனர். திமுக பொதுச்செயலாளா் க.அன்பழகன் உடல்நலம் சீராக இருப்பதாக மருத்துவனைத் தரப்பில் நேற்று கூறப்பட்டிருந்தது.

அப்பல்லோ மருத்துவமனையில் சிகிச்சை பெற்றுவரும் க.அன்பழகனுக்கு ஏற்பட்டுள்ள நிமோனியா காய்ச்சலைக் கட்டுப்படுத்துவதற்காக மருத்துவா்கள் தொடா்ந்து முயற்சித்து வருவதாகவும், தற்போது அவா் உடல்நலம் சீராக இருப்பதாக மருத்துவமனை தரப்பில் கூறப்படுகிறது. இந்நிலையில், க.அன்பழகன் உடல்நலம் தொடா்பாக மு.க.ஸ்டாலின், துரைமுருகன் உள்ளிட்டோர் இன்று நேரில் சென்று நலம் விசாரித்தறிந்தனர்.