தமிழ்நாட்டில் திமுக தலைமையிலான கூட்டணியில் விடுதலை சிறுத்தைகள் கட்சிக்கு ஒதுக்கப்பட்ட இரண்டு தொகுதிகளில் வேட்பாளர்கள் யார் என்பதை சற்றுமுன் விடுதலை சிறுத்தைகள் கட்சி தலைவர் தொல்.திருமாவளவன் அறிவித்தார்.
சிதம்பரம் (தனி) தொகுதியில் தொல்.திருமாவளவன் தனிச்சின்னத்தில் போட்டியிடுகிறார்
விழுப்புரம் (தனி) தொகுதியில் விசிகயின் பொதுச் செயலாளர் துரை.ரவிக்குமார் உதயசூரியன் சின்னத்தில் போட்டியிடுகிறார். எந்தக் காரணத்தைக் கொண்டும் வெற்றி வாய்ப்பை இழந்துவிடக்கூடாது என்பதற்காகவே விழுப்புரம் தொகுதியில் உதயசூரியன் சின்னத்தில் போட்டியிடுவதாகவும் இது மனபூர்வமாக எடுக்கப்பட்ட முடிவு என தெரிவித்த தொல்.திருமாவளவன், விடுதலை சிறுத்தைகளுக்கான தனிச்சின்னத்தை தேர்தல் ஆணையம் இன்னும் ஒதுக்காதது குறித்து வருத்தம் தெரிவித்தார்.
தேர்தலுக்கு குறுகிய காலமே இருப்பதால் பரப்புரைக்குச் செல்லவேண்டிய அவசியம் இருக்கிறது. எனவே தங்களுக்கான தனிச் சின்னத்தை உடன் ஒதுக்கிடவேண்டுமென கோரிக்கை விடுத்தார்.