அவ்வப்போது சர்ச்சைக்குறிய பதிவுகளை பதிவிட்டு ட்விட்டரில் அதிகம் கவனிக்கப்படும் தெலுங்கு பட இயக்குநர் ராம்கோபால் வர்மா தற்போது அவர் இயக்கும் படத்தில் அவரே நடிகராக அறிமுகமாகிறார்.
பிரபல இயக்குனர் ராம் கோபால் வர்மா, நாகார்ஜுனா நடித்த ‘சிவா’ என்ற படம் மூலம் 1989-ல் இயக்குனரான அறிமுகமானார். தொடர்ந்து தெலுங்கு, இந்தி மொழிகளில் படம் இயக்கி பிரபலமானார். பல்வேறு படங்களை இயக்கி தயாரித்துள்ள ராம் கோபால் வர்மா, சமீபத்தில் ‘லட்சுமி என்.டி.ஆர்’ என்ற படத்தை இயக்கி இருந்தார்.
அவரது அடுத்த படத்துக்கு ‘கோப்ரா’ என்று பெயரிடப்பட்டுள்ளது. இதில் சிபிஐ அதிகாரியாக ராம் கோபால் வர்மா நடிக்கிறார். உண்மை சம்பவத்தின் அடிப்படையில் உருவாகும் இந்த மாஃபியா படத்தின் பர்ஸ்ட் லுக் போஸ்டர், அவரது பிறந்த நாளான நேற்று (மார்ச் 8) வெளியானது.