தமிழ் திரையுலகின் இசை ஜாம்பவான்களான இசைஞானி இளையராஜா மற்றும் பாடகர் கே.ஜே. யேசுதாஸ் இருவரும் 10 ஆண்டுகளுக்கு பிறகு மீண்டும் இணைந்துள்ளனர்.
விஜய் ஆண்டனி இப்போது நடித்துவரும் ஆக்ஷன் படமான ‘தமிழரசன்’ திரைப்படத்துக்கு இசைஞானி இளையராஜா இசையமைக்கிறார். பாபு யோகேஸ்வரன் இயக்கும் இப்படத்தில் ரம்யா நம்பீசன், சுரேஷ் கோபி உள்ளிட்டவர்கள் நடிக்கின்றனர்.
இசைஞானி இளையராஜா இசையமைப்பது இப்படத்தின் மீது ரசிகர்களுக்கு கூடுதல் கவனத்தை ஏற்படுத்தியிருக்கிறது.
இந்தப் படத்தில் ஒரு பாடலை பாடகர் கே.ஜே. யேசுதாஸ் பாடுவதாக இப்போது அறிவிக்கப்பட்டிருக்கிறது. ‘பழஸிராஜா’ திரைப்படத்துக்கு பிறகு ஒரு பாடலுக்காக இளையராஜா மற்றும் யேசுதாஸ் ஆகியோர் இணைந்துள்ளனர்.